قدوم محمد [Original]

فرحة قدوم محمد إن جيت أشَبِّه
ما تنوصِف في كلمة غير السعادة
مـا فَـرِّحـَت بـسّ الأهـَل والأحِبّـة
إلاّٰ امطرت في دبي وْ عمّت بلاده

طفـل ٍإلا من شِفـتـه لازم تـحـبـَّه
يدخل شغاف القلب وْياخِذ وداده
ما مثـلـه بْـكوكبـنـا يا غيـر حَـبـَّة
يحفظْه إلٰه الكون وْيسعِد فؤاده

يضحَك وهالضحكة يِسَلِّمها ربّه
مثْل العَسَل لَذّتـها مدري زيادة
وإذا نِـعَـس كنـّه ملاك المَحَبـّة
فِراشـه الغيمة وْ قمرها وِسـادة

اللي لِـفـا والسعْد جانـا مَـهَـبّـه
واضوَت به الدنيا من أوّل مهاده
هو عين أبوه أحمد وقلبه و لِبَّـه
وانفاس أمّه وْ روحها والسعادة

نسل آل مكتوم اللي ساسه ومصبّه
عزيز وْ من نـاس ٍلهـا المجد عادة
يكبر عساه وْ تِـفـتِـخِر بَه الأحِبـّة
وْينفَع به الله الدار وْينفَع عبادة