Law Aandak Alb - لو عندك قلب

[المقطع الأول]
عن واحدة كانت بتقول إن إنت الدنيا بحالها
إديتلك كل حياتها عشان إنت كنت أمالها
إنسان حاربت علشانه الدنيا وهو خذلها
دي جزاتها إنها أمنتلك وما حاطتش في بالها
كانت فاكراك إن إنت اللي هترسم مستقبلها
دلوقتي الجرح آذاها ده لو ما طلعش قتلها

[اللازمة]
وكمان ليك عين بعد ده كله رايح تسألها
عامل مستغرب قال يعني مش عارف مالها
لو عندك قلب بجد إنساها وسيبها في حالها
لو عندك قلب بجد إنساها وسيبها في حالها

[المقطع الثاني]
على فكرة إنت ندمت عليها لما بقيت محتاجها
بس الفكرة إنها مش حمل آسف ولا حمل مواجها
لو فعلاً فارقة معاك سيبها وهتسامحك بمزاجها
أحياناً كلمة أنا آسف ما بيبقلهاش معني
الحاجة اللي تموت جوانا عمرها ما بتوجعنا
ربنا يكفيك شر الحب لما بيتحول لعنة

[اللازمة]
وكمان ليك عين بعد ده كله رايح تسألها
عامل مستغرب قال يعني مش عارف مالها
لو عندك قلب بجد إنساها وسيبها في حالها
لو عندك قلب بجد إنساها وسيبها في حالها