幽媾

幽媾

唱：呂珊 /
謝曉瑩
曲：古曲
詞：唐滌生
編：周熾楷

旦白：柳公子
生白：啊　呢位小姐
我同你素昧生平
點　點解你會識得我個名嘅
旦白：柳公子　素昧生平
都仍可相逢夢裡呀
咁相逢又何必曾相識呢
生唱：好似月裡仙降凡塵
輕弄降紗　輕弄降紗
莫非冷烟蔽月華
她雨中竟致迷途　迷途錯歸家
生白：係唔係呀
旦白：唔係
旦唱：我寄寓　寄寓在柳蔭下
悲風霜乞片瓦
生唱：非關有意有意　苦追查
夜半芳齋欠奉茶
莫借西廂送藥茶
我借盞秋燈你小心歸去吧

旦唱：歎息我命如霧裡花
杜麗娘未有家泣孤寡
旦白：我　我無家可歸㗎
生白：哎吔　世間女子
又那有無家之理呢
旦白：真嘅呢
生白：我明啦
生唱：天仙姐姐你愛我瀟灑
可是偷偷降落柳生衙
可惜我一介潦倒潦倒嘅寒儒
怕有偏差

旦白：你錯啦
旦唱：既屬　有夢鑄佳話
當管不了月夜　月夜叩奔君家
我慕君風華　愛君風華
盼君泣月下　屈居柳蔭受霧雨打
盼蝶來活了解語花

生白：哎吔小姐　仲乜講得好哋哋
你又淚隨聲下㗎　吓
生唱：佢泣訴多風雅　悲逝水韶華
欲訪效情花再萌芽
生白：小姐　你是否文君新寡
旦白：唔係
生白：哦　唔係
旦唱：貞花未嫁㗎
生白：哦　未嫁㗎
旦唱：我獨處深閨未嫁㗎
生唱：既是天仙天仙未嫁
咁就亦緣也　福份也
哎吔　想落就心中驚怕
想吓又心中驚怕
點解會相見　相見在蕉樹下
旦唱：君心休怕囉　君心休怕
君不記　你揖拜仙觀下
風吹飛花有心報與君在佛前為你灑
致令郎拾去我丹青畫

生白：哦　咁你到底從何而來㗎
旦白：好心囉
何必疑雨疑雲驚風怕雨啫
丹青畫丹青畫　我既生於畫中
自然來自畫中啦
生白：來　來自畫中
莫非你就係畫裡真真呀
旦白：咁你睇真吓
生白：哦　睇過
旦唱：咁真與假
生唱：確係未有差
旦唱：祇係腰瘦減
生唱：你貌似花　丹青仙姿兩瀟灑
旦唱：俾冷烟冷烟蓋玉顏
銷毁了鉛華　驟降丹青價囉
生唱：咁鴛鴦帳內同夢去囉
旦唱：又怕冰肌凍著了郎又怕
生唱：我唔怕唔怕
旦唱：又怕又怕聽二更斷續了兩三下
生唱：怕月照香衾且閉窗莫理他