من أجمل ما [Original]
Anthony Khoury
عحفة الشباك، كاس نبيد أو يمكن عشرة
وإنت عم ترقص مع حالك، بتحب ترقص لما تشرب كاس
عيونك مغلوقين وجسمك طاير عالغنية
وعالية البنايات وراك وكل شبابيكا المضوية
من أجمل ما شافت عيني
قاعد جنبي بالسيارة والهوا يلعب بتيابنا
وتطلع مني بالغلط كلمة بحبك، وما تجاوبني وتقطع
عيونك مغلوقين وقلبك طاير على السرعة
وعالية الشجر حوالينا، السما وألوانا الزهرية
من أجمل ما شافت عيني
تلات سنين ما حكينا ما في لزوم تتطمن عني
بتعرف ماشي حالي من الصور يلي عم تنزل عني
ذاكر شكل الشقة والشباك والبسمة لما بتفارقك
حتى بأصعب الأوقات، وبعدو وجهك إنت وغافي
من أجمل ما شافت عيني