ام الوطن [Original]
Mohammed Hamad Bn Sohail Al Katbey
أم الوطن .. وام المحبه .. والاحساس
ما مثل قلبج قلــب ما بين هالناس
عشنا السعــاده في عيـونج وقلبج
نكبر .. ونرفع باسمج الغالي الراس
انتي الوطن وانتي الإمارات والدار
وانتي الغلا لى ماله حدود وقياس
لو الحنان اللي في قلبج توزَّع
يكفي القلوب الظاميه حب واحساس
كل اللآلي .. والذهب .. والجواهر
واغلى الزبرجد والزمرد والالماس
يتمنى من وصفج يزيّن وصوفه
ويكون مثلك غالي بخافق الناس
ربي يديمج في وطنا سحابه
كل يوم تمطرنا من الفخر نوماس
والحب لج يا ام الإمارات فينا..
يبقى إلى ما لا نهايه ومقياس