أنا اشتريت

خذ قلبه وهات اللي تجيبه
ده كفاية إنك تبقى حبيبه
ويا بخته يا حظه ويا هناه اللي إنت هتبقى من نصيبه
خذ عيني إخطفها وسهرها
في عينيك الدنيا ومحورها
وطبيعي إن الحاجة الحلوة بتقع في إيد اللي يقدرها

أنا اشتريت لا بصراحة أنا حبيت
ولقيت نفسي معاك update قلبي اتعمل له
أنا اشتريت لا ده أنا بيك استكفيت
كنت بدور لفيت ومشيت خطوة بخطوة وراك

إنت لقطة بجد ما تتسابش
لو سيبتك أخسر ما اكسبش
أنا شايفاك حلو وكامل مع إن الحلو ما يكملش
إنت فرصة إنت ما تتعوضش
نسخة واحدة إنت ما تتكررش
أي حاجة عادي ممكن تحصل بس إنت جمالك ما حصلش

هات حتة من قلبك ليّ
هاتها وسيب الباقي ليّ
لو كانت حنيتك زايدة هات حبة أنا محتاج حنية
خذ وقتك فكر وإرجع لي
ده أنا شايفك ذايب و واقع لي
عارف قيمتك عمال تثقل وأنا عارف إنك جاي تبيع لي

آه أنا اشتريت لا بصراحة أنا حبيت
ولقيت نفسي معاك update قلبي اتعمل له
أنا اشتريت لا ده أنا بيك استكفيت
كنت بدور لفيت ومشيت خطوة بخطوة وراك

إنت لقطة بجد ما تتسابش
لو سيبتك أخسر ما اكسبش
أنا شايفاك حلو وكامل مع إن الحلو ما يكملش
إنت فرصة إنت ما تتعوضش
نسخة واحدة إنت ما تتكررش
أي حاجة عادي ممكن تحصل بس إنت جمالك ما حصلش