ليلى

من زمان نفسي أغني لك
وأحكي لك قد إيه، أنا بحبك
وأمسك قلمي وأكتب لك
وأعمل أغنية بإسمك
وأسرح بعيد، وأفتكرك

كل الكلام اللي جوايا مش كفاية وما يكفيش
حتى البداية لما كنت واقفة معايا
في بداية الطريق والحلم كان لسه بعيد
في عز يأسي وكل الدنيا ماشية عكسي

عشانك أنا قادر أكمل عشانك قادر أتحمل
وكل مرة بشوفك بحبك ثاني من الأول
عشانك أنا قادر أكمل عشانك قادر أتحمل
وكل مرة بشوفك بحبك ثاني
ليلى، ليلى، ليلى، ليلى

كنا أطفال وكبرنا
ومع بعض إحنا كملنا، الحكاية
حب البراءة وسذاجة
غلب الدنيا الكذابة ولسه عايش جوايا

بشوفك زي أول مرة كنت غيرهم
كنت حرة واللي في قلبك كان بره
إنت كل حلم عدى وإستخبى
خرجتيه مني بزقة بتشديني ودايماً سابقة

عشانك أنا قادر أكمل عشانك قادر أتحمل
وكل مرة بشوفك بحبك ثاني من الأول
عشانك أنا قادر أكمل عشانك قادر أتحمل
وكل مرة بشوفك بحبك ثاني
ليلى، ليلى، ليلى، ليلى