حياة علشان تتعاش
كل ما تطلع شمس ويبدأ يوم كل ما تكبر أحلامي
ولا بضعف ولا أخاف ولا بسمع لوم دايما باصة لقدامي
لو تواجهني الدنيا أنا قدها لو قدامي حواجز أهدها
كلمة يأس وصعب بلاش دي حاجات أنا معرفهاش
أنا سري في إرادتي وقوتي
فاهمة الدنيا محددة سكتي
ثانية بثانية بعيش
ماهي هي حياة علشان تتعاش
في طريقي مكملة مؤمنة إن أنا مختلفة وفوق العادي
ببني في حلمي ويكبر سنة وراء سنة ونتيجته بشوفها قصادي
العالم بإيديّ بغيره بالشكل اللي خيالي مصوره
والفرصة اللي بتيجي قصادي في يوم ما بضيعهاش
لو تواجهني الدنيا أنا قدها لو قدامي حواجز أهدها
كلمة يأس وصعب بلاش دي حاجات أنا معرفهاش