De Neuze
Met de jongens hen stappen met de taxi d'r opan
Het was niks as zoepen en oeh, het gung d'r van
Het wödden later en later, de kastelein vreug:
Goat jullie nog op huus an want het is hier zowat gebeurd
Wie bint met de Neuze dus nog lange niet vot
Want hij hef twee lekke banden en de accu kapot
Bin met de Neuze, hij is weer te late (bis)
Bin met de Neuze, en de Neuze is nooit es op tied
t Wödden sluutingstied en de tap gung dicht
En het leek wel een slachthuus is dat bleke TL-licht
D'r was niks geen volk meer en het bier was op
Muu van het wachten en de ogen krang in de kop
De sfeer wödd'n grimmig houwerie in de locht
En iedereen die vreug: waor blif de Neuze toch?
Bin met de Neuze, hij is weer te late (bis)
Bin met de Neuze, en de Neuze is nooit es op tied
Mien kameroad kreeg ruzie met een keerl uut Splo
En de kroeg wödden verbouwd, wie mossen met noar het bureau
Met huulende sirenes gung t op Zwolle opan
Wie hebt de Neuze nog ebeld, mar die pakken niet meer an
Uuteindelijk he'w em esprökken, joa dat dan weer wel
Want de Neuze die zat nöäst ons in de cel
Bin met de Neuze, hij is weer te late (bis)
Bin met de Neuze, en de Neuze is nooit es op tied