Bolero Medley
Ikaw pala'y mayro'ng ibang minamahal
'Di mo pinagtapat noong una pa lang
Nang sana tayo ay hindi na nagtagal
At nagmahalan
Maiaalis mo ba'ng ako ay magdamdam
Kung ang pagsuyo mo'y balatkayo lamang
Batid ng Diyos labis kitang minamahal
Ngayon at kailanman
Magtaksil man ikaw
'Yan ay 'di mo kasalanan
'Pagkat ako'y sadyang
Kapuspalad nang isilang
Sa pag-ibig ako ngayo'y nabubuhay
Sa pag-ibig na rin ako'y mamamatay
At kahit na ang puso mo'y salawahan
Ikaw rin ang mahal
Padre nais kong mangumpisal
Ako ay nagkasala sa isang nilalang
Iniibig ko siya kahit ito ay bawal
At mayro'ng ibang puso sa akin ay nagdaramdam
Bakit pa kaya ako sinilang
Kung laging sawi ang aking buhay
Subalit kung nais ng Maykapal
Sino akong tao lamang na susuway
Huwag kang lumuha giliw at ako'y babalik
Huwag kang mag-alinlangan puso'y humihibik
At dapat mong malaman ang nais ng dibdib
Sinusumpa kong tunay na tunay 'di ka iwawaglit
Ako'y babalik sa piling mo hirang
Ang aking pagsuyo'y 'di mahahadlangan
Hanggang sa wakas ay magpapakasakit
Sa tulong ng langit ako'y babalik