زوج حمامات
يا اللي مولوع بالمحبة والغرام، مالك سهران على النجوم وحداني
يا من درى شي سباب ضرك الخصام
يا من درى شي سباب ضرك الخصام، وإلا حب في قلبك دخلاني
يا مجرب العشرة والفراق، يا مجرب العشرة والفراق
بالله عليك عيد لي يا إنساني
علاش العهد ما بين العشاق، علاش العهد ما بين العشاق يفدي من خانه عيناني
سبحان الله رات عيني زوج حمامات في قصر، مقابلين السماء والبحر
واحدة مزينة بالحناني الاخرى ما هي محنية
الاولى قالت بركاني أنا نمشي للسفر، نعاشر بلاد الحجر
ونشوف واش كان في مقامي بالك ندير ماليا
قوسطويا جاز خبرني قالي بركاك من الصبر، متى تزهاي في الصغر؟
وتشوفي شوفات المعاني كيسان ظراف ماحيا
الاخرى قالت يا اخواني آه يا لطيف من نكر ما ندخلش في الكبر
راني قاعدة في جناني ما نروح راني مهنية
ما نخليش أوطاني مربية فيه من الصغر وسماه ضاوي بالقمر
وإذا فهمتي كلامي روحي راك مخطية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية
قالت مولات الحناني ما تكتريش في الخبر، دموعك سايلة من الوقار
ما نطولش في لساني حسبتي روحك قارية؟
فرحت واتهنى محاني زاهية على الرباب والوتر، ولو ساعة في شهر
وانتيّ كيفاش يا عوالي بقيتي حازنة خاوية
الاخرى قالت خبر جاني هداك لمّا ينذكر رميتي روحك في الجمر
أنا اللي في منزلي عالي بنت الأصل صافية
ولاد الملوك خطبوني عرسي مزوق بالاخضر بورد وياسمين والزهر
والديّ زادوا حبوني في الحلال راني ماشية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية
قالت مولات الحناني شفت في الدنيا ما أكثر، حوست بلدان والدشر
لبست لبسة تاع الالوان وتحفت شعري بحاشية
إنت صغرك اللي بكاني دفنتي روحك في القبر، وقلبك داخل ينعصر
ما شفتي ويدان بالدوالي بقيتك بالعافية
المزوجة قالت يا اخواني الله يغطينا بالستر وشوفي النبّي ما هدر
ربي بين لي في منامي الجنة ومن كل فاكية
طايعة الإله ونصلي صايمة بالحمد والشكر ما ندير في فمي خمر
نقدر في داري نغني هادي دنيا فانية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية
جرعتي المرار بالحفاني وصب عليك المطر، دقتيه ورجع لك مر
واد مخلوط ما داني فرغ ورجع ساقية
خذي قولي الاخراني ارجعي لطريق الطهر، وبركاك من هاد الفخر
وذنوبك زاد عياني ارجعي لأصلك راضية
قالت مولات الحناني ما حب خاطري ده الجهر ما قبل خاطري بالعبر
ما جبت خبر كيف صرى لي بقيت في الغربة ساهية
نطلب الله يعاوني نبان كالهلال من ظهر وضري يبرى من السطر
إبليس بأفعاله عداني ما نزيد راني شافية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية
نطلب الله يعاوني نبان كالهلال من ظهر، وضري يبرى من السطر
إبليس بأفعاله عداني ما نزيد راني شافية
نطلب السماح يا عوالي ما ناخذ غير طير حر مرفه ولا بالفقر
وتكون ذريّة حلالي رحمة الله باهية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية
سبحان الله رات عيني زوج حمامات في قصر مقابلين السماء والبحر
واحدة مزينة بالحناني الاخرى ما هي محنية