La Vall (Il Vento e i Fiammiferi)

[Testo di "La Vall (Il Vento e i Fiammiferi)"]

[Strofa 1]
E la vall porta via i me paroll
Tütta l'insalada nel cervell
Me sunt ché, me sunt lé e departütt
Passa anca un merlu a pe' biutt
La fœia de la menta se scunfund cun l'urtiga
La prema la prufœma ma quel'oltra la pizziga
Però ogni tant l'è quasi bell
Casciagh dent un pe'
E regurdass de vegh amò una pell

[Strofa 2]
Quanti œcc sœlla faccia del fiœmm
E quanta pressa de na'n
Ogni imprunta l'è un segn de urelogg
Ogni menütt l'è una muneda per el viagg
La mossa della bissa l'è un rimpiant che se surpassa
E quand che 'l temp el mœr ghe nettumm la carcassa
Però ogni tant sеmm quasi stüff
De fa' anca amò un suriis
Per regurdass chе g'hemm sempru i dencc del lüff

[Bridge]
Scatula de zufranej
Scapa via del tempural
Scapa senza fass bagna' da chi vœ piœ' pizza' la fiama
Scatula de zufranej
Scapa quand che bufa 'l vent
Prœva a disegna' un falò in de la nocc che la te ciama

[Outro]
E la vall porta indré i me paroll
E l'aria fregia in sœl me coll