الرزايا

الرزايا ما تصيب من الرجال إلا الأبي
والحديد إليّ تعصى ما يفكه إلا الحديد
والتخاذل عادة الأيام وابن آدم غبي
يترك العليا ويطمع يوم يطمع بالزهيد
وأنا ماني للرسول ولا إمام ولا نبي
أحمد الله بأيسر الأشياء وبالأمر الشديد
أحمد الله حطني يا حيث ما نفسي تبي
بين هام السحب ونور الشمس والنجم البعيد

أبلغوا العنقاء أن الشوق أدنى نصبي
فكواني الهجر بعد الوصل والعيش الرغيد
لهف قلبي يابها الخز المنمنم يا ظبي
يا الكحيل بلا كحل يا الغض يا البض الخريد
لعنبو حيك وأنا فـي حمى عيونك مرقبي
كيف ما أصير بعيوني صاحب الملك العتيد
أتوقّى منك شي لابدى هز طنبي
يا اللي يبرى لك في قلبي جرح والثاني يقيد

كان عاقتني الليالي لا تجدي مركبي
فالعقل تاج المراجل والتمني ما يفيد
الصبر محمود مير الوقت أثقل منكبي
والليالي تدبر وتقبل على مالا نريد
كانها تدبي على ما ظل من حلمي دبي
تاخذ من العمر عمر وتاخذ من العيد عيد
مكسبي معها بأني ما حسبت إش مكسبي
غايتي من الفرح بعض الفرح لو للهم بيد