يا رايح ع كفر حالا
يا رايح ع كفر حالا أمرق بسوق العنّاب
في بنت بتنسى حالها هي وعلى هاك الباب
خبرنا كيف أحوالها يا رايح على كفر حالا
ع شمالك في دكانة بتبيع مغازل صـوف
بنت بتقعد سـهيانة تنطر تيجيها ضيوف
حلوة والخصر بيلوي وما بتعرف إنها حلوة
لا تفوّقها على حالها بلكي اشغلّت لها بالها
يا رايح ع كفر حالا
آه في بنت، هي
خبرنا كيف أحوالها يا رايح ع كفر حالا
تعرفها من عينيها بيظلوا تعبانين
وتتطلّع ع إيديها وع خواتمها الحلوين
قرّب خبرها عنّي بلكي زعلانة مـنّي
واسرق لي وإنت قبالها خيط صغيّر من شالها
يا رايح على كفر حالا
هي، خبرنا كيف أحوالها يا رايح على كفر حالا
وإن كان حالتها حالة وع ريفها شفت دموع
قل لها عينيها ببالي همها بوجهّي مزروع
وإن كان حالتها حالة وع ريفها شفت دموع
قل لها عنيها ببالي همها بوجهّي مزروع
وتحرقني هاك الضحكة اللي بدها تحكي وما بتحكي
وتحرقني هاك الضحكة اللي بدها تحكي وما بتحكي
يا خوفي من خيالها والبعد يغير حالها
يا رايح ع كفر حالا أمرق بسوق العنّاب
في بنت بتنسى حالها هي وعلى هاك الباب
خبرنا كيف أحوالها يا رايح على كفر حالا