فيك بفكر [Original]

يا وردة ل تحت القمر عم تلمعي
قومي على دقات قلبي تسمعي
بشوف الدني حلوة وأحلا من الحلا
لما حبيبي يكون عم يحكي معي

لما انكوى بالحب قلبي يا هوا
سافر حبيبي وطوّل دروب النوى
ما بترجع الضحكة لعينين الغرام
حتى حبيبي يعود نتلاقى سوى

عليك بفتش بالاحلام وعالبسمات ل نسيوني
فيك بفكر لما بنام بفيق بتعلق بعيوني

برمت الدنيي سهول جبال وشرق وغرب جنوب شمال
صرت بقلبي شغلة بال واهلي عم بلوموني

ضلك يا نظرة العيون حدي ولا تحملني ظنون
تا تبقى فيي مجنون وروحي بحبك مجنونة

عقلي بغيابك محتار وشاغل بالي ليل نهار
قلبي موقد حبك نار وجمراتك عم يكووني

قلبي رف حواليكي بموسم اعياد
نشالله بالحب عليكي العيد بينعاد

يا عصفورة مغرورة محسوبك هون
تصيد بالبر نسورا من مية لون
لكن انتي بهالصورة غيرتي الكون
وصرتي اول عصفورة بتقتل صياد

سألت الهم ل بالغيري سحرك وين حل
وقعني بحيري كبيري فل وما دل
طيري مطرح ما تطيري خلفك رح ضل
واعرف من ايا ديري ومن ايا بلاد

بتوديني وبودك يا زهرة فل
نكايي ببيك وبجدك عنك ما بحل
خطيفي بدي شدك قدام الكل
ولو بدو يوقف حدك عنتر شداد

من وقت ل علقتيني برموش عيون
خدودك ياما طعمتيني خوخ وليمون
انتي لي عودتيني حبك بجنون
وهلق عم بتلوميني ع شو معتاد