صحيح [Original]
Deem
هو صحيح انا اهواك بغرور
منهو قـدّي في غلاك و من سواي
ماني زيادة عدد بين الحضـور
مـالـي منافـس تأكــد يا غلاي
لو تلّف الكون كله لو تـدور
ما تلاقي مثل حبي أو وفـاي
والهوى ويّاك احساس و شعور
يوم غيرك ماقدر ياخذ غلاي
و انت خلّي ما على حبّك قصور
و المحبّه ما تليق الا معاي
حافظٍ ودّك ولا اسمع فيك شور
دام حبّك عاش في صدري و حماي
يا وجودك زاد لي دنياي نور
وفي غيابك يا كبر والله بلاي
تبتسم لي و ينخلق اجمل شعور
يا غرامٍ لايقٍ في مستواي