’E fantasme

[Testo di "'E fantasme"]

Napule dorme
Robè, non durmì
'O siente 'o fasmasma
Che canta int'o vico
'Na musica antica?
'A luna e 'a chitarra
'Sta faccia 'e guaglione
Che belle 'e canzone

Ma Napule dorme
E nun era accussì
Cu Titina e Eduardo
'A gente rireva
Ma doppo chiagneva
E napulitana era l'arte 'e campà
'A filosofia pe' vivere

Oè, 'o sole abbrucia 'sta città
Comm'era bella Annamaria
Quante vase int'o purtune
Int'a villa comunale
Non ce steva niente 'e male

Napule dorme
(Napule dorme)
Ce piace durmì
(Dorme)
Peccato, 'o fantasma
Sta all'ombra d'a luna
Nun 'o siente nisciuno
Ma napulitana è l'arte 'e durmì
'A filosofia 'e nun sentere

Oè, ma ha da cagnà e cagnarrà
Va ricurdate a monarchia?
A rumenica 'e guagliune
'Nsieme 'o rre vanno 'a partita
'A città sarrà pulita
Pe' 'na legge comunale
Tutte quante simmo uguale
Nun ce stesse niente 'e male

Napule dorme
Robè, non durmì
Tu mo' nun ce pienze
Ma pure nuje simmo
Come 'a chistu fantasma
Nun ce sente cchiù nisciuno
Chista è 'a musica p'a luna
P'o core... ma chi 'o tene cchiù?