Nur met Dir

NUR MET DIR
---------------

Vers1:
Als wor et eets jestern, ich weiß noch jenau
Dä Jebootsdaach 'ner Fründin, mer kannte sich kaum
Mer verquatschte uns lang un ich merkt’ irjendwann,
dat ich do em Buch su e Kribbele han.

Ref:
Denn nur met dir
han ich die jeilste Zick
met dir durch Dünn un Dick
su lang mir zwei uns han

Denn nur met dir
han ich die jeilste Zick
met dir durch Dünn un Dick
su lang mir zwei uns han

Vers 2:
Zehn Johr es dat her un nit alles perfek
Un och maancher Schmetterling es längs ald weg
Doch verzällst do wie fröher, röcks nöher e Stöck
Dann kütt och dat Kribbeln vun domols zoröck

Ref:

Vers 3:
Irjendwann sin do un ich grau un ahl
Un do bes noch immer dä Minsch minger Wahl
Ich hoff, dat mir zwei uns dann immer noch han,
Su dat ich noch eimol zo dir sage kann

Jo nur met dir
hat ich die jeilste Zick
dröm denk ich jähn zoröck
wie lang mir zwei uns han

Denn nur met dir
han ich die jeilste Zick
met dir durch Dünn un Dick
su lang mir zwei uns han