اصحى

عربي، يلا

إصحى يلا وصحّي النوم
فوق لي كده واصحى لي وقوم
يلا يا با عشان تتسحّر
هوبا يلا وخفّ تعوم

إصحى كده وإحدف لي بريزة
جاي أصحّي أهالي الجيزة
وإنت يا اللي نايم بتشخّر
إصحى يلا وصحّي عزيزة

إصحى، إصحى، إصحى، إصحى

إصحى وإضرب طبق الفول
بيض وجبنة وعيش وزبادي
كفاية نوم كده مش معقول
إصحى يلا يا عبد الهادي

وانت يا اللي قاعد مسطول
من الفطار عمّال تتطوّح
فزّ يا إبني وقوم على طول
إصحوا بقى خلّوني أروّح

إصحى، إصحى، إصحى، إصحى
إصحى، إصحى، إصحى، إصحى

إصحى ياض ما تعصبنيش
قوم يا واد ما تغلّبنيش
يا إبني قوم الأكل هيبرد
تيجي تقول لي ما صحتنيش

إصحى يلا يا زفت الطين
قوم وصحّي لي النايمين
فالح بس تنام وتفخّد
جبت كل النوم ده منين

إصحى، إصحى، إصحى، إصحى

قوم وكُل هتنام شبعان
كُل عشان ما تقومشي جعان
اوعى تنسى تقربع ميّة
وتبقى طول اليوم عطشان

قوم لي كده وإصحى لي قوام
صوتي راح والله حرام
هلّا لالا باللا لالا
إصحوا بقى مش لاقي كلام

إصحى، إصحى، إصحى، إصحى
إصحى، إصحى، إصحى، إصحى
يا له إصحى