دوري

الأيام زي امتحان
والنتايج بالميزان
كل واحد ليه معاد
لما بيئون الأوان
واللي طالع فيها فوق
واللي طامع في الحقوق
بكرة ييجي اليوم يفوق
دي الحياة داين تدان
واللي ظلم الناس في إيده
ماشي متعكّز عليه

دوري يا دنيا عليه
وريه بعينيه
وقول لي له محال الحال يدوم
لو هو إيه
دوري يا دنيا عليه
وريه بعينيه
ده العمر حساب في كتاب يشوف
مكتوب له إيه

دنيا تلاهي تملّي تدور
دنيا ملاهي ومش بالدور
واللي بيشبط فيها بيحلم
إمتى تحن وياخذ دور
بس هيعلى لغاية فين
برضه حينزل لكن فين
لما يشوف الناس من فوق
غيره بييجي عليه الدور
بالأيام إتغطى وناسي
إن ساعتها بتعرّيه

دوري يا دنيا عليه
وريه بعينيه
وقول لي له محال الحال يدوم
لو هو إيه
دوري يا دنيا عليه
وريه بعينيه
ده العمر حساب في كتاب يشوف
مكتوب له إيه

قلب لكل الناس مفتوح
راضي برزقه وبالمسموح
تتبسم أيامه وتحلى
علشان هي حلاوة روح
لكن وقت ما يطمع فيها
حتى ترابها ما يملى عينيه

دوري يا دنيا عليه
وريه بعينيه
وقول لي له محال الحال يدوم
لو هو إيه
دوري يا دنيا عليه
وريه بعينيه
ده العمر حساب في كتاب يشوف
مكتوب له إيه

دوري يا دنيا عليه
وريه بعينيه
وقول لي له محال الحال يدوم
لو هو إيه