Janker

Waar é gie zo belach'lik ler'n klapp'n
E gie miskie gén ipvoeding eha
Peisje gie echt da'k ik zo ne vent wille
Peisje gie echt da'k ik stom zin of wa
Gie é misschien wel e punt kunn'n zett'n
Mo ik trekke nu overal e strepe door
Onthou mo goe da'k ik mi niemer late doen
Verander'n daar é 'k ik gene tid mé voor

Want ja ik zin ne janker
Dramoatisch en expressief
Ik skrive aliene ma liedjes
Waarda'k mizelve in verlies
Mo ge zoe ne ké moet'n wet'n
Oe geestig dat dat è
A ied'reen achteraf kom vroagen
Meiske zie gie nie gelukkig dè

'K krige koppin van uw geleuter en gezoag
Gie moe nie zegg'n wie da'k benne dat é 'k nie graag
La mie nie lach'n zelfs daar é'k geen goesting in
Ge moe nie peiz'n da'j mi aan't skrem'n kun bring'n
Pakt ui boelke pakt ui boek'n ui cd's en uie frak
A'j mi echt nie gèren zie zoekt dan een ander dak
Over uie kop wan ge moe nie peiz'n da'j nog welkom zit
'K é wel wa beters te doen mè minen tid

Want ja ik zin ne janker
Problemoatisch astemblief
Bie u zin 'k alleen maar an't peiz'n
Oe zoe 't zin me een ander lief
Mo ge zoe ne ké moet'n wet'n
Oe geestig dat dat è
A ied'reen achteraf kom vroagen
Meiske zie gie nie gelukkig dè

Ja ik zin ne janker
Systemoatisch explosief
Ik zegge oltid da't ok es
Ma 'k zin wel doag'liks depressief
Mo ge zoe ne ké moet'n wet'n
Oe geestig dat dat è
A ied'reen achteraf kom vroagen
Meiske zie gie nie gelukkig dè