المفروض

المفروض
إن إحنا الاثنين كان بينا أماني وكانت بينا وعود
إن إحنا الاثنين ياما قلنا لا يمكن حتفرقنا حدود
ليه قلت لي عشقك بجنون، ليه تخدعني ليه بتخون
ليه بتحب مادام حتبيع، ليه نحلم والحلم يضيع
ليه تحلف لي وبتوعدني وتقربني
وتعودني وبترغمني وبتقيدني
بحب ما لوهش أساس وجود
ليه، ليه، ليه، ليه، ليه

ليه تخدعني وليه توهمني، وليه بتسبني أعيش مخدوع
أملا حياتك حب وفرح، وتملا حياتي جراح ودموع
عيشتني في الوهم سنين، رحلة حب وشوق وحنين
كانوا عيونك ليه خاينين، كان قلبك وضميرك فين
ليه تحييني وتموتني، ليه تبنيني وليه هديتني
ليه شديتني وليه خليتني أمشي معاك في طريق مسدود
ليه، ليه، ليه، ليه، ليه

ليه القلب الطيب دايما، يبقى جزاءه آلام وخداع
ليه الحب الصادق لازم، تبقى نهايته فراق و وداع
قل لي عملت لقلبك إيه، أنا ما ظلمتش تظلم ليه
ليه بتسبني في نار وعذاب، أرسم ألف أمل كذاب
ليه تكسرني وبتهزمني، وبتجرحني وبتقسمني
وبتجبرني وبتلزمني أعهدك وما توفيش بعهود
ليه، ليه، ليه، ليه، ليه، ليه