سنة الحياة

لو طالت المسافات وبعدتنا الأيام
ما بينا ألف حاجة تبيِّن الاهتمام
مين قال إن التلاقي لُقا وسلام بالإيد
فيه قلوب بتحس بينا لو حتى من بعيد
دايماً جوانا كلام قصص محتاجة تتقال
وناس غاليين علينا ما بيروحوش من البال
ده مافيش للدنيا معنى لو مانتش لاقي ليك
حد أما تغيب عليه يفضل يسأل عليك
ودي سنة الحياة، نبعد نتوه ونمشي في مليون اتجاه
ودي سنة الحياة، الغالي بيفضل غالي وإنت بقلبك معاه

نتمنى لحظة تجمعنا بحبايبنا
لا بعاد ولا غربة ولا شوق في قلوبنا
بنتمنى لحظة تجمعنا بحبايبنا
لا بعاد ولا غربة ولا شوق في قلوبنا، ده لقـانا بمعاد
ودي سنة الحياة، نبعد نتوه ونمشي في مليون اتجاه
ودي سنة الحياة، الغالي بيفضل غالي وإنت بقلبك معاه