Ci Teneremu Caru

Quand'ellu farà notte in lu nostru campà
Li circaranu à spinghje di e nostre umanità
È quandu d'altri scemi veneranu à pichjà
Ch'elli saranu tristi i nostri cori o Mà

Quand'elli ci faranu una miseria in più
Ch'è n'averemu male à e nostre virtù
À tutte l'ore belle ch’è tù aspetti tù
È chì u celu Corsu pienghjerà dinù

È quandu i nostri cori turnaranu à dà
Chì a Madre Universale ci farà cantà
Ch'è no saremu pronti inseme à pardunà
Chì Monte Cintu fieru ci accumpagnarà

Noi noi cum'è un celu chjaru
Quand'ellu farà dolce o puru torna amaru
Noi noi d'un solu riparu
Noi noi ci teneremu caru
Noi noi noi noi si
Noi tutti
Noi tutti quì
Noi noi cum'è un celu chjaru
Noi noi ci teneremu caru ...