شو بني

ما بدي قل لك شو بيني، شو اللي جرى لي بها الدني
بدي معك إبدا العمر، أول سطر بالولدنة
ما بدي قل لك شو بيني، شو اللي جرى لي بها الدني
بدي معك إبدا العمر، أول سطر بالولدنة
ولا بدي إحكي شو حصل، شو اللي كسر فيّ الأمل
واللي قلب ضحكي زعل، غربني ياما وردني
ما بدي قل لك شو بيني

خذني معك خذني بإيدك ع الفرح
خذني معك ع مطرح المافي جرح
خذني معك باب القلب لما انفتح
خلاني حدك انحني
خذني معك كل اللي من قبلك مضى
خذني معك وهم ومَرق حزني انقضى
خذني معك بدي معك أعيش الرضى
خذني على العمر الهني
ما بدي قل لك شو بني

إنت ومعي بحبك أنا قد المدى
إنت ومعي ما بدي من بعدك حدا
إنت ومعي قلبي اللي ع الحب اهتدى
عايش معاك أحلى دني
إنت ومعي بشعر أنا بشمس الدفى
إنت ومعي خوف اللي ماليني اختفى
إنت ومعي إيدك عطف قلبك وفاء
جنة بورود مزينة

ما بدي قل لك شو بيني، شو اللي جرى لي بها الدني
بدي معك إبدا العمر، أول سطر بالولدنة
ولا بدي إحكي شو حصل، شو اللي كسر فيّ الأمل
واللي قلب ضحكي زعل، غربني ياما وردني
ما بدي قل لك شو بيني