30 Jahr (feat. Swish Beatz)
Ih 30 Jahr bin ich 50i hoffe ich lebe wie en König
Viellicht mit Chind - Viellicht mit frau - Hauptsach in puurer Verwöhnig
Hoffe s Business isch am bränne
Und lebe guet mit Gottes Säge
Ich wot am Tisch sitze mit de Beste - Brot und wii teile so wie Jesus
Ich wot es langs Lebe - und ich hoff das sie mich ned as Chrüz naglet wege dem Shit wo ich sege so wie Jesus
Mir chömed in all black everything gsend us wie de Klerus
Ich wot jedem Liebi schneke - maches so wie d'Venus
Hoff mir münd eus nüm bekämpfe - macheds ned so wie de Mars
Ich heb mich fest ah dem woni han und schriibe wiiter Bars
Hoff mir sind denn freii Mensche - mitere Vergangeheit mit SARS
Es lebet Mensche ufem Mars
Ich hoff ih 30 Jahr kenned mini Chind no Räge oder Schnee bedeckti Berge
Kenned no wahri Liebi wie die mit de sibe Zwerge
Hoff ih 30 Jahr muss no jede sterbe
Chind chönd no gebore werde
Eusi Mueter isch am brüele - lang chan sie eus nüme handle
Sie isch am brüele
Lang chan sie eus nüme handle
Mann es staht doch ih de Sterne
Überall wo ich aneluege so viel Träne
Mir hend so viel Konflikt und so viel Hass
Bitte Gott spiel dis letschte Ass
Mir wend immer nur meh doch nie lebe lah
Und ich weiss was ich gseh doch wirds nie verstah
Eusi Mueter isch am brüele
Lang chan sie eus nüme handle
Mir sind eus immer wiiter vonenand am entferne
Hoff ih 30 jahr chönd mini Chind in Himmel luege und no Sterne gseh
Ich hoff sie chönd no wähle - sind ned gfange ih dem scheiss System
Ich weiss ich söt druf luege was ich use lah
Aber Staatsfeind Nummer eis bin ned ich sondern de Bundesrat
Ich weiss ich söt ned rebelliere sondern fröge wies de Bulle gaht
Villicht ischs scheisse vo mir doch es isch mir scheiss egal
S'Einzig woni mich grad fröge isch wies wiitergaht
Ich weiss dases wiitergaht au wenn du nüme wiitergasch
Seg, lebet mir im moment will mir gar kei Zuekunft hend
Oder simmer eifach trännt vode Natur voneme Mensch
Und zerstöred drum die welt
Denn es gaht immer nur um Geld
Die ganzi Liebi da isch gfälscht
Wieso zerstöret ihr die Wält
Will mer eifach nüt meh anders kännt
Lueget eus ah
Wend ihr eus ned no irgendöpis übrig lah
Sit wänn wird d'Wält regiert vom Gäld
Mir wend lieber bitzli Ziit id Händ
Lueg wie d'Wält brännt
Hend ihr eu mal überleit, was ihr eus wiitergend
Was ihr eus wiitergend
Lueg was ihr eus wiitergend
Was ihr eus wiitergend
Die Wält isch am brenne und eu ischs scheissegal
Sie isch am brüele
Lang chan sie eus nüme handle
Mann es staht doch ih de Sterne
Überall wo ich aneluege so viel Träne
Mir hend so viel Konflikt und so viel Hass
Bitte Gott spiel dis letschte Ass
Mir wend immer nur meh doch nie lebe lah
Und ich weiss was ich gseh doch wirds nie verstah
Eusi Mueter isch am brüele
Lang chan sie eus nüme handle
Mir sind eus immer wiiter vonenand am entferne