Fotoboks
My eerste twintig jaar van my lewe se bestaan
Moes ek leer loop en praat om na ‘n groot skool toe te gaan
My ma sê ek was anders ek het my eie kop gehad
Maar ek was toe soos ek vandag is
Ek kon wakker lê tot laat
Ek onthou ons Vrystaat huis
Dit was nederig en goed
My broer was twee jaar ouer
Daar was liefde daar was bloed
En in die oggend as ons skool toe ry
Op my ligblou bommer fiets
Sou ons worshond agterna hol als verniet
En deur my eerste jare
Sou ek my hart verloor
Op talle eerste liefdes
By die sokkies van die skool
Ons sou close dans aan die einde
Met jou hier teen aan my
En my ma wat altyd waarsku
Dat ek eendag ver sou bly
So as jy gaan vat my saam
Trek ‘n mooi paar skoene aan
Neem ‘n foto waar jy glimlag
En voor die Eiffel Toring staan
Ry op treine loop die paaie
Want die lewe gaan verby
Neem ‘n foto vir jou fotoboks
Want as jy oud is
Dan gaan jy kyk
My tweede twintig jaar van my lewe se bestaan
Het ek die liggies van die stad gaan soek
En ek het Tikkies toe gegaan
Nog kind maar nou half mens
Moes ek besluit wat ek wou doen
Vir 'n ruk oorsee gaan woon en in ‘n
Ander taal gesoen
En ek moes vrede met myself maak
Ek moes die wêreld leer verstaan
Waar is my kinder drome
Waar het my ontskuld heen gegaan?
Maar in elke laat partytjie
Het ek jou altyd gevind
Dit was die beste van my twintig jaar
Ons huis ons eerste kind
So as jy gaan vat my saam
Trek ‘n mooi paar skoene aan
Neem ‘n foto waar jy glimlag
En voor die Eiffel Toring staan
Ry op treine loop die paaie
Want die lewe gaan verby
Neem ‘n foto vir jou fotoboks
Want as jy oud is
Dan gaan jy kyk
My laaste twintig jaar van my werkende bestaan
Moet ek skouer aan die wiel sit
Om alles te betaal
Ek moet die kinders almal groot kry
Al voel die tyd dan nou so min
Ek hoor my ma se goue woorde
Geniet die lewe dis die sin
So hier sit ek met ‘n glasie
Op ons laaste huis se stoep
My lewe is hier vas gevang
In 'n groot ou foto boek
Maar ek droom nogsteeds my drome
Ek hoor nogsteeds my ma se stem
Sy sê die lewe is wat jy dit maak
Maar mag jou hart die liefde ken
En as jy gaan vat my saam
Trek ‘n mooi paar skoene aan
Neem ‘n foto waar jy glimlag
En voor die Eiffel Toring staan
Ry op treine loop die paaie
Want die lewe gaan verby
Neem ‘n foto vir jou fotoboks
Want as jy oud is
Dan gaan jy kyk