TWEEDE ASEM
En dan stap ek deur die berge
En ek hardloop deur die dam
Eers die koue dan die hitte
Ek beur stadig oor die klippe
Om die water te gaan haal
In die wasem van my tweede asem
Verbeel ek my ek sien jou weer
In die skadu van ‘n boom
In die hitte van ‘n vuur
In die middel van ‘n droom
En ek wandel deur die parkie
Ek kruip onder deur die bos
Ek maak kennis met die insek
Ek maak kennis met die aarde
En uiteindelik breek ek los
In die wasem van my tweede asem
Verbeel ek my ek sien jou weer
In die skadu van ‘n boom
In die hitte van ‘n vuur
In die middel van ‘n droom
‘n Tweede asem
‘n Tweede asem