19. März

[Intro]
Am 19. März 1993
Hesch du s Liecht vo de Welt erblickt
Ich ha Müeh gha demit ?
Und das isch de Afang vo eusre Gschicht

[Verse 1]
Ich han immer welle Vorbild sii, doch bis voll nöd gsi
Du bisch din eigne Weg gloffe, ganz egal wohi
Trotzdem hemmer zemeghebt, dass d Eltere wüssed, dass d Zündschnuer scho am brenne isch
Du hesch Müeh gha ide Schuel, ich step locker bis zur erste Seck
Pubertät chlöpft ah, die guete Note sie sind sofort weg
So wie d Hoffnig da in Züri, dass us dene mal was wird
Mir zügled is Rhiital hi, du bechunsch Ritalin
Doch bringt das vill? Wenn mich fragsch nie
Mir sind acho inere heile Welt, doch schnell hed sich das Blatt da gwendet
Und s Läbe haut der uf de Chopf wie de Bud Spencer
Mir hend beidi neui Fründe gfunde, alles hed so guet usgseh
Doch mir hend nüd drus gmacht, obwohl sie eus die Chance wend geh
Doch d Vergangeheit isch wiit zrugg
Ich ligg zrugg, ich schribs uf

[Hook]
Ich hoff du verstahsch mich
Und ich hoff du lahsch mich
Dir säge dass es mir klar isch
Das Hoffe Ballast isch
Ich hoff du verstahsch mich
Und ich hoff du lahsch mich
Dir säge dass es mir klar isch
Din Bueb bringt de Szene de Ahschiss

[Verse 2]
Ich han mich inere Welt verlore
Han mir selber gschwore ich chum use aber ich has durezoge
Cha mich ganz genau an Tag erinnere, wo das ganze Konstrukt verschluckt wird und mir selber scho de Atem schwindet
Ich bin heicho, mini Mueter wüscht sich Träne usem Gsicht, genau i dem Moment erkennt mer was zerbricht
So chas nöd wiitergah, kes Läbe uf de schiefe Bahn
Niemer isch mit eus eso geduldig
Mir sind das ihne schuldig und drum hemmer beidi Abstand gnoh
Mir hend alli eusi Ziit brucht, denn klappts au mal
Und us einere Adresse werded vier
Jede läbt sis Läbe, aber Zemehalt hed emmer existiert
Was passiert isch, isch passiert
Das ghört zu eusre Gschicht und drum schriibis uf Papier
Hebed d Gläser a dem Tisch, was vergange isch, isch wiit zrugg
Ich ligg zrugg, ich schriibs uf

[Hook]