گالب خلقته [Original]

روحـي مشتاكه الحضنتـه
طووول اهوايه ابـزعلتــه
مغــيـر وگــالـب علـيـــــه
فــدوه للكالــب خلقتــــه

هوه قلبـي وهـوه دكتــــه
وحب حياتي اللي عشگتـه
غيــر مشتــاگ الضحـكتـه
فـــدوه للگالــب خلقتــــه

ويـلي منـه اشگد عنيـد
قلبـه يمكن من حـديـد
مسيطر ويعرفني احبــه
وغيـر واحــد ما أريــــد

شلوون بـي واشلوون بيـه
خـاف نبقـه مــو سويــــه
زيـن اذا ادزله رسـالــه
اشلون اذا مـــارد عليـــه
*******
ااخ لوصوتـه سمعتـــه
الـه ابوسـه من كلمتــه
شنـو الهسـه ماوحشتـه
فـدوه للگالب خلقتـــه
.
كلشـي بغيابـه كرهتــه
اختنك اذا تركته
كلش اهـوايـه افتقدتــه
فـدوه للگالـب خلقتــه
.
هـوه حب عمري الوحيـد
اشلـون اذا يبقـى بعيـــد
انـي لو عمـرين اعيــش
راح احبـــه من جــديــد

وبعد وين الكه بجمالـه
اهوه غيره استحـالـه
ماكـو واحد يبقه عايش
من يرووح النفس مالــه

*********
هـم أجـه الليـل وذكرتــه
والقلـب نـزلـت دمعـتــه
عمـي موهينـه فرگتـــه
فـدوه للگالـب خلقتـــه
.
بالتعب والضيم جبتــه
فرغت روحي المحبتـه
القلـب هوه ونبضتـــه
فـدوه للگالـب خلقتــه
.
وضعـي بعـد مو تمـام
بـلا حضنـه اشلون انـام
هوه بالنسبـه أليــه
عمري روحـي والغـرام

حبه مشكلتي الوحده
بس احبه بس اريده
حقي مااقدر بدونه
غير صارت روحي بيده