Meu pai eu teño un soño

""Meu pai eu teño un soño""
Letra e música: Félix Cebreiro

Aínda que sexa cativeira
non ó quero arredar
é unha senda levadeira
que non me deixa medrar.

Se falaran as maceiras
e meu micro fora real
non un carolo de espigas
e o pé de algún canal.

Meu pai eu teño un soño
que non deixo de soñar
Meu pai eu teño un soño
que me acompasa o respirar.
Meu pai eu teño un soño
que non me quere deixar
que aínda que sexa pequena
tamén eu podo, podo soñar.

Só se enteran as leiteiras
de cando en vez algún pardal
unha boneca de trapo
oíntes que puden atopar.
Se falaran as maceiras
e meu micro fora real
non un carolo de espigas
e o pé de algún canal.

Meu pai eu teño un soño
que non deixo de soñar
Meu pai eu teño un soño
que me acompasa o respirar.
Meu pai eu teño un soño
que non me quere deixar
que aínda que sexa pequena
o meu soño, eu soño cantar.