14 HK Rap Up (Masta Edit)

馬米仲未死得 係度 say 個 Wassup
咁又一年 我梗係知你哋最想聽乜
好多人都唔鍾意聽 RAP 但鍾意聽 RAP UP
所以每一年都必須要聽 RAP UP乜乜乜
譚玉瑛姐姐係兒童節目界代表
祝你以後青春常駐 We will be missing you
杜汶澤係伍樂城演唱會講笑講出禍
令到 Joey 係 facebook 度話係淨係討厭佢一個
一條艷舞片證明馬賽係性感尤物
但我諗馬賽當時最想係條片有馬賽克
坎坷人生趙頌茹諗住嫁個好男人
點知最後會成為家暴受害人
成龍係中共禁毒宣傳形象大使
但係仔仔房祖名同柯震東竟然涉毒出事
Coffee 係 IFC 殘廁同富二代 gathering
呢個gathering嘅地點都夠曬新穎
有啲新聞講真唔敢 rap 得太直接
如果只係要坐墊佢會搵 Mandy 既環保又快捷
家強發表拆夥真相同阿 Paul 興師問罪
搞到咁最心碎應該係天上嘅家駒
睇真啲我個樣都幾似都敏俊 C
但係幾時先會搵到我嘅千頌伊
無啦啦定 A 餐同 B 餐逼人揀
要㨂咁麻煩俾我梗係一次過要曬2個餐
又林建名又周子揚嘅何傲兒
我諗佢呢 type 應該係叫做老少咸宜
相逢何必曾燒衣一夜洗版
期待蔣志光復出可以拯救樂壇
Please let me go 唔想再聽到首 Let It Go
我寧願聽活佛VIVA或者忘情釋迦舞
舊年唔只興 K-Pop 仲興 MK Pop
主打登陸太陽唔知以為簽咗太陽娛樂
今年 MK Pop 仲有好多新力軍
Mama Easy 媽媽今天不必擔心
今年阿 GEM 直頭係風頭躉
不停飆高音所以佢攞亞軍
Sammi 12 場演唱會啲飛爭到癲
唔知有幾多係因為知我做嘉賓想見我一面
TVB 為咗抗衡 HKTV 開台
連王祖藍求婚都要擺埋上檯
謝霆鋒王菲 11 年後世紀復合
證明有緣假以時日始終會失而復得
恭喜阿公蘇永康結婚
佢話做我女人肯定越吻越開心
古巨基同 Lorrine 低調到無法想像
20 年後終於公開同拉埋天窗
大導演彭順有李心潔都仲偷食
Liddy 呢個名自此無人不識
Bosco 同楊崢大纜扯唔埋
所以最後都係嚟得快去得快
Rest In Peace 影視巨人邵逸夫爵士
六叔用一生拍攝香港影視界輝煌史
時裝女皇黎堅惠因病離世
我哋會永遠懷念你嘅時尚同美麗
亞洲鼓王 Donald Ashley 過身
Freedom@Heaven 係佢最後嘅作品
一代笑匠 Robin Williams 抑鬱自殺身亡
又一個對人歡笑背人垂淚典型個案
ICE Bucket Challenge 搞到潮流興淋冰
為肌肉萎縮症做善事全城和應
香港有乜炒乜停唔到炒風
上網抽吓 iPhone 6 好過走去返工
WhatsApp 新功能雙藍剔
男朋友再無得扮未睇女朋友信息
梁逸峰同學有特別嘅朗誦技巧
咁特別嘅技巧唔知係邊位老師教
巴西世界杯你有無買中德國係拎冠軍
我就對巴西被人炒 6 粒印象係最深
千六隻紙熊貓到港希望大家支持環保
但係大家影完相之後當乜事都無
殺出兩條洋腸難為了港男
本來港男有得開餐結果變返一支冷
啟晴邨槍擊案嘅殺人兇手
奇情到竟然係彭順小三 Liddy 老豆
虐待印傭 ERWIANA 咁陰騭
涉案羅允彤好眉好貌生沙蝨
上海福喜食品將過期肉加工
麥當勞講大話呃市民話佢哋無用
馬尼拉人質事件總算到此為止
菲政府願意對失職人仕懲治並表達歉意
兩億解款車平安夜壞門跌五千萬
以為天降橫財成班人諗住執完唔使還
馬航客機 MH370 飛行途中失蹤
至今仍然沒人搵到佢確實嘅行蹤
泰國反對派癱瘓曼谷反政府示威
最受影響係香港人嘅旅行大計
屹立超過 60 年遮王何洪希收山
一代遮王自此絕跡中環
樹仁大學以你最德高望重
響起最後鐘聲 Good Bye DR. Chung
梁特首講到自己為人民服務
但係點解除咗公職竟然係 UGL 有秘撈
齊昕嘅母親衣著浮誇
一身全紅打扮唔知以為係波士頓龍蝦
梁齊昕 send 自薦信話想做模特兒
咁嘅樣就算谷爆胸做模都應該唔 pass
又話出乜招物招樓價會大幅下調
係就唔使居屋一出第一日就幾萬人攞表
高鐵超支幾十億最後要市民搞掂
當日投贊成票嘅議員還我血汗錢
港鐵殘忍車死唐狗惹眾怒
呢舖你出幾多煽情廣告都兜唔到
港鐵成日加價話機制可加可減
可惜延誤故障次數有加無減
夾粗剪布通過東北前期撥款申請
真係一閃一閃小吳亮星
何俊仁立法會上睇J圖
好彩當年參選特首佢選唔到
許仕仁衰貪心高官變階下囚
七年半刑期臨老先有排受
今年訪港人數再創新高嘅自由行
係帶旺消費指數但影響民生
特首一句未富先驕激先過份
講到無咗自由行香港地就會冧
內地遊客竟然搞到遍地黃金
但蘇錦樑竟然叫港人要有包容之心
港視申請免費電視牌照失敗咗
不過型做網絡電視終於啟播
亞視玩到有兩個月糧都出唔到
難怪新聞直播中途主播會無稿
體育新聞王子伍家謙辭職
佢同佢師傅伍晃榮都成為集體回憶
明報突然將總編輯換人
擺明想干預新聞報導編採方針
劉進圖遇襲掀起軒然大波
新聞界怒吼 They can’t kill us all
李慧玲突然被商台下崗
係咪為咗續牌真係要問返首席智囊
新聞界用藍絲帶象徵反暴力
邊諗到藍色後來係象徵最暴力嘅顏色
一本白皮書當正我哋白皮豬
又話我哋有幾多權力係中央賦予
佔領郵輪蔣麗芸同船公司抗爭
佢反佔中但又係香港佔領第一人
孤星淚嘅 Do you hear the people sing
應該無人無聽過試問誰還未發聲
I do it for the people
I do it for the culture
I do it for Hip Hop
一片晴空仍然佈滿黑雲
一街聲音照舊不聞不問
黃皮膚黃絲帶黃種人
守護緊呢片最後自由重鎮
係螢光幕上重溫 睇住你再三重申
重新諗咩叫本是同根
同根生但點解無同情心
經過咁多個清晨 遙望獅子山精神
喚醒更多靈魂發出聲音
年輕人一夜之間長大成人
身邊唔理平民定名人
紛紛站起爭取自己嘅命運
我哋舉起象徵平和嘅雙臂
要求只係最基本嘅權利
真實我知從來係唔完美
普世價值應該係普世專利
選擇點解都仲要分尊卑
毋寧死直至到我斷氣
忘記唔到催淚嘅攻鼻
初次體會積累嘅勇氣
衷心問點解要敵視到如斯田地
私利用謊言去詐取
歪理指我哋破壞秩序
下令要人民全面撤退
台上只係一班著西裝嘅傀儡
黑色嘅光與白色嘅影
警告人們再無黑白分明
當有人荒謬將現實等同電影
道出現今嘅香港已經幾扭曲變型
粉筆下嘅花係無價
偏偏係高牆上種出鮮花
一筆筆畫出一點一點變化
種花會變做戰靶
一則可怕嘅白色笑話
一對對天真爛漫嘅眼
望住打開晴天下嘅雨傘
象徵我哋嘅期盼
期盼有日高牆會被推翻
期盼有日戰勝嘅係雞蛋
We do it for the culture.
We do it for our home.
And we will be back
We will be back
We will be back