Cry Of The Garb

Gáir na Gairbe glaídbinne
Glaídes re tosach tuinne;
Rátha aidble aíbinne
D'íasc oc irsnám 'na bruinne!

Cairche cíuil at-chluinimse
'sin Gairb go nglúaire geimrid;
Ra muirn móir con-tuilimse
I n-aidche adúair eigrid

Gairit lem mo chomainmne
Fégad lán línas múra:
Buinne rothrén roGairbe
Uisce 'gá chor ar cúlu

Éoin chalaid co céolcaire
Céoilbinne a ngotha gnátha;
Impa rom-geib écolchaire
'má ceilebrad cech trátha

Is ríu sein con-tuilisme
Ar bennaib is ar barrgail
Na céola do-chluinisme
Is airfeitiud dom anmain