ลำล่อง...บ้านเฮาหนาวแล้วบ่

AMPAI MANEEWONG

ล่ะมาบัดนี้ยามมีฝนสั่งฟ้าเอิ้นลาหมู่เด้อฝูงปลา
ข้าวอยู่นาขจีเขียวกองใบยามลมต้อง
ล่ะน้ำเต็มนาปลามาบ้อนมาออนซอนขึ้นมันม่วน
ล่ะฟังเสียงฟ้าฮ้องฮวน
คือสิลาจากแล้วว่าปีหน้าจังพบกัน เอ๋ย

ล่ะทุ่งอีสานยามนี้นั้นเห็นแล้วม่วนชวนหลงใหล
ยืนคันแทแนมไกลไกลนกไก่นาถลาล่อน
ล่ะเบิ่งพุ้นแหมพ่อใหญ่สาเพิ่นลงต้อน
ไปดักปลาบ่อนนาลุ่มข้าวแตกกอเขียวจุมกุ่ม
เสียงปลาเข็งดีดบ้อนปลาซิวน้อยกะแฮงหลาย เอ๋ย

ล่ะคิดฮอดเด้ คิดฮอดน้องและอ้ายผู้ไกลถิ่นดินอีสาน
ไปทำงานอยู่เมืองไกลอยู่จั่งใด๋เอ๋ย น้อทางพุ้น
ล่ะข่าวทีวีซางมาวุ่นมีหลายซุมวุ่นหลายฝ่าย
ล่ะคันลำบากอยู่เมืองใหญ่

กลับอีสานบ้านเค้ามากินข้าวแม่นบายปลา
แล้วอยู่บ่อนใด๋ในแผ่นหล้าสิสุขทอดอกเฮือนเฮา
ยามใจเหงาให้คืนนาจ้ำป่นปลาก็สุขล้น
ชีวิตคนไทบ้านคนอีสานเว้ากันง่าย
มาเบิ่งเด้อยามตะเว็นค่อยบ่าย
กอข้าวเขียวแสงแดดต้อง
โอ้ยมองแล้วกะแฮงงาม

แล้วฝูงหมู่ปลาเต้นตื่นน้ำคันแทกิ่วสิบืนหนี
ปลาข่อตี้บืนตกหลุมพ่อใหญ่สาเพิ่นดักไว้
ล่ะแถวนาเทิงนาใต้แนมไปไสน้ำล้นปรี่
เสียดายเด้ ปลาลูกคอกกะลงฮี
เสียงพ่อลุงแม่ป้าเพิ่นถามทวงแม่นข่าวคราว

ล่ะถามข่าวถึงลูกเต้าสิมาบ่ออกพรรษา
ฝากเงินมาให้พอปุ๋ย แหน่บ่หนอลูกชายโต้น
ล่ะหน่อยบ่โดนเสียงกลองแลง ญาคูเจ้าดังมาก้องฮวนฮวน
ได้ฟังแล้วซางมาม่วนคือดนตรีกล่อมทุ่ง
โอ๊ยฟังแล้วแฮงสะออน เอ๋ย

ล่ะนี่หล่ะคำค่าก้อนท้องถิ่นดินอีสานเป็นวิมานของคนจน
แม่นนั่งโพนกะสุขล้ำ
ล่ะยามฝนลาปลาพอน้ำไหลลงซออยู่ก้นลี
กลับมาเด้อน้องพี่ แต่งชุดสีน้อโก้โก้
มาเดินผ่ายมายท่งนาเด้อคนไคเด้อ เด้อแฟนเด้อ

Trivia about the song ลำล่อง...บ้านเฮาหนาวแล้วบ่ by Monkan Kankoon

When was the song “ลำล่อง...บ้านเฮาหนาวแล้วบ่” released by Monkan Kankoon?
The song ลำล่อง...บ้านเฮาหนาวแล้วบ่ was released in 2009, on the album “โรงงานปิดคิดฮอดน้อง”.
Who composed the song “ลำล่อง...บ้านเฮาหนาวแล้วบ่” by Monkan Kankoon?
The song “ลำล่อง...บ้านเฮาหนาวแล้วบ่” by Monkan Kankoon was composed by AMPAI MANEEWONG.

Most popular songs of Monkan Kankoon

Other artists of Asiatic music