Pusilleco Addiruso
Ernesto Murolo / Salvatore Gambardella
Ncopp' 'o Capo 'e Pusilleco addiruso
Addó' stu core se n'è ghiuto 'e casa
Ce sta nu pergulato d'uva rosa
E nu barcone cu 'e mellune appise
'Ncopp' 'o Capo 'e Pusìlleco addiruso
E nu canario, canta na canzone
'A dint'a na cajola, appesa fore
E ll'èllera, s'attacca a stu barcone
Comme nce s'è attaccato chistu core
Quanno 'o sole p' 'o monte se n'è sciso
Chest'aria fresca se fa cchiù addirosa
E torna da 'a fatica Angelarosa
Cu 'o fascio 'e ll'erba aret'ê spalle appiso
Quanno 'o sole p' 'o monte se n'è sciso
Stàmmoce attiente a 'o segno cunvenuto
Barcone apierto, ce sta ancora 'o frato
Perziana scesa, 'o frato se n'è asciuto
E 'appuntamento è sotto 'o pergulato