مش قد الهوى
قال لي إنت مش قد الهوى سيبي الهوى لناسه، إيه دخلك بإحساسه
البعد فيك حلال وأنا من ساعتها بعدت
قال لي من الكلام اللي بيوجع ياما بزيادة وأنا سيبته يتمادى
أصل السكوت في الحالة ديّ هو أبلغ رد
عايزني أحبه وأمشي في سكة مغمضة وياه
وأصبح ألاقي نفسي ضحية جديدة من ضحاياه
(واخذ لي سنين دموع وعذاب وندم وأنا بنساه (بنساه
عايزني أسيب له قلبي ده اللي ما حلتيش غيره
وأسلّم ليه وأسيب نفسي وأنا واثقة في ضميره
ضميره مات واللي يموت مبترجعلوش حياة
عارفة إنه مجروح جرح مش قادر في يوم ينساه
والجرح ده خلاه يشوف في كل واحدة من حُبه القديم صورة
خايفة أدي له قلبي وأكون له حضن أمان فيكسرني
ومين هينصُرني ساعتها لو خاني يا ناس ما أنا برضه معذورة
عايزني أحبه وأمشي في سكة مغمضة وياه
وأصبح ألاقي نفسي ضحية جديدة من ضحاياه
(واخذ سنين دموع وعذب وندم وأنا بنساه (بنساه
عايزني أسيب له قلبي ده اللي ما حلتيش غيره
آه وأنا واثقة في ضميره، ضميره مات واللي يموت مبترجعلوش حياة