Fura sangre calient

(Fura Sangre Calient)

Ubro los uellos
y veigo una tierra noble.
No creigo en reis
pero estió una corona enorme.

Fa ulor de cierto aroma de libertat,
en o maitín acucuta
lo sol, igualdat.
Ausencia en o material
pero honrau en esencia,
en un sospirar trobé
la mía atra metat.

Cada milesima
notas lo traquiar,
allora, la suya mirada
fa la riseta enarcada,
¡Quiers chilar!

Ubrindo los uellos
sin mirar ta zaga,
estié en do estié.
tornas a inspirar libertat,
fura sangre calient.

Orgüello en cada cantón
que amaga
en do cada sentimiento
ye un alcorde,
de sud ta norte
y d'este ta ueste,
siempre me'n alcordé,
estié en do estié.

Salir de casa pa mirar la esperanza
por l'amor d'a eterna polideza,
fendo china‐chana
que la simient creixca
en ista madura
y fertil tierra prospera.
Alguardo por tornar a vier
lo placer d'ixos labios, muller.
Habié de marchar‐ne
pero i tornaré,
ta ixe puesto
que d'o suyo nombre
quiero alcordar‐me‐ne.

Notas lo traquiar,
allora, la suya mirada
fa la riseta enarcada,
¡quiers chilar!

Ubrindo los uellos
sin mirar ta zaga,
estié en do estié.
tornas a inspirar libertat,
fura sangre calient.

La Pilarica orgüellosa cusira ista tierra,
flanquiada por los Pirineus y la Sierra Iberica.
La biodiversidat s’esparte a espuertas
dende lo desierto infinito
dica las montanyas rocosas
que protechen a las suyas chents.
Ixas chents atorrocadas,
amables, nobles y fidels.
Xoriando iste chilo por totz los puestos,
que chela los corazons
que regala la fura sangre calient.

¡QUE REGALA LA FURA SANGRE CALIENT!
¡QUE REGALA LA FURA SANGRE CALIENT!
¡QUE REGALA LA FURA SANGRE CALIENT!