امنية
اعطيت لك يدي ضربتني بموس
وأنا اللي كنت خارجة من حرب
اعطيت لك خدي كسرت لي الضروس
وإنت تأكل وتشرب
اهديت لك عسل شربت لي مرار
وإنت الساقي وأنا الشارب
والماء الصافي راه لونه دار
وأنا اللي عطيت لك باش تضرب
يا ربي حط عليّ يدك
خرجني من الليل والهيام
اللي مظلوم يرتاح عندك
ويبان حقه من بعد الظلام
وشحال بكيت وقلبي برد
من قوة ما تعمر بالآلام
واكرهت روحي واكرهت الورد
وكل فرحة في وجه تترسم
إنت اللي ايشوفك يقول قمر
ضاوي وجهك مخبي سرك
وإنت في الصح كي الميت في القبر
مت في قلبي وميت قلبك
القمر في السماء واضح باين
واش جاب الشوك للريحان
أنا من البعيد نسبي باين
وإنت من البعيد إتبان إنسان
يا ربي حط عليّ يدك
خرجني من الليل والهيام
اللي مظلوم يرتاح عندك
ويبان حقه من بعد الظلام
وشحال بكيت وقلبي برد
من قوة ما تعمر بالآلام
واكرهت روحي واكرهت الورد
وكل فرحة في وجه تترسم
شحال درت على الخيام
شحال جريت وشحال سافرت
تعبت كي كانوا الناس نيام
طحت و وقفت وعشت وشفت
اللي ضعيف وصغير ويتكبر
اللي إنت ما تشوفه بالنظر
خلي الضوء في قلبه تكبر
خلي يد ربي عليه تقدر