Ziitreis

Silvio Brunner, Dennis Furrer, Christoph Erkes, Christian Yun-Song Meyerholz

Hm jaa-ey
D'Summer werded chürzer und d'Kater hebed länger ane
Jungs mached Nachwuchs, studiered Babyname
Schiebed Chinderwage, anderi laded Tinder abe
Ich mach mis Ding, hole es Guiness usem Inderlade
Stadt die gliich nume d'Hüser sind höcher worde
Us Bsetzer-WGs wird Schöner Wohne
Brochni Härze im Gepäck, d'Rucksäck grösser worde
Erinnerige fülled Christe uf em Estrichbode

Die erste Küss und Güffs sind scho chli länger här
Scho chli länger här, ey
Aber d'Süessi gspeichered für immer
S cha mer keine näh, nei

Und ich weiss, s git ä keis Ding namens Ziitreis, oh gosh ey
Ich denke gern zrugg - würdi ned welle
S isch no zfrüe zum numeno vo früehner verzelle
Und ich weiss, s git ä keis Ding namens Ziitreis, oh gosh ey
Ich denke gern zrugg - würdi ned welle
Es git no gnueg z'mache zum dänn spöter verzelle

Trülle Tape zrugg zu de Spange am Zah
Zu de Brief under de Bank, a d'Sandchaste Love
Zum Paffe nach de Klass - 4 Franke es Pack
Und mit em 32er abe id Stadt, yeah
D'welt isch eus - damals Standardprogramm
Jetzt lääri es Glas us - will paar sind scho gange vo da
Ich bin no ume und gibe danke für das
Und wenni hei chume mit de Sunne denn wärdeds halt es paar Dafalgan

Die erste Küss und Güffs sind scho chli länger här
Scho chli länger här, ey
Aber d'Süessi gspeichered für immer
S cha mer keine näh, nei

Und mier hend villes gseh, aber s wartet no villes meh, mh mh
Es langt villicht nöd zum Millionär, aber immer no bis as Meer, eeey

Und die erste Küss und Güffs sind scho chli länger här
Scho chli länger här, ey
Aber d'Süessi gspeichered für immer
S cha mer keine näh, nei

Ich weiss, ee ee ee ee-ee
Es git ä keis Ding, nei nei
Ich weiss, ee ee ee ee-ee

Stereo Luchs

Ziitreis

Most popular songs of Stereo Luchs

Other artists of Pop-rap