Barfuaß im Schnee (Lustiges Winterlied)

He, schau vom Himme foin heit, juchhe
Dicke weiße Flocka, de danzn so schee
So leicht und so locka, kimm, geh weida, geh
Oba mit die Socka und glei naus in Schnee

Barfuaß im Schnee
Mei, is des schee
So schee, so schee
Barfuaß im Schnee

So schee koid, koid, koid! – Schau!
Wia er foit, foit, foit! – Wow!

Wiara weiße Glitzerdecken liegt er do der Pulverschnee
Kimm mia flitzen um die Hecken – He, do staabt er schee
Wia des kitzlt, wia des bitzlt, bleib fei nur net steh
Des britzlt fei vom klitzekloana bis zum großn Zeh

Barfuaß im Schnee
Mei, is des schee
So schee, so schee
Barfuaß im Schnee

So schee koid, koid, koid! – Schau!
Wia er foit, foit, foit! – Wow!

Mir laafn um an Apfelbaam durchn tiefn Schnee
Weida bis zum Gartenzaun – Ou, jetz duats scho weh
Schnoi eini und dann trocka rubbeln und aufs Kanapee
Unter d’Decken zsammaschmuckln und – jetzt gibts an Tee

Barfuaß im Schnee
Mei, is des schee
So schee, so schee
Barfuaß im Schnee

So schee koid, koid, koid! – Schau!
Wia er foit, foit, foit! – Wow!