Bratäpfel - Hmm! (Bayerisches Kinderlied)

Die Oma wohnt am Bauernhof
Bei Wasserburg am Inn
Da wohnt sie schon seit 70 Jahr
Sie is a Bäuerin
Und immer kurz vor Weihnachten
Do bleib ma über Nacht
Weil am Abend dann die Oma
Mit uns Bratäpfel macht
Und unser Oma, die steht do
Am oiden, großen Herd
Und hat a blaues Schürzerl o
Damit s’ net dreckig werd

Ja, die Oma, die konn hoit
Bratäpfel macha!
Die allerbesten von der Welt
Die konn die Oma bacha!
Hmm, wia des riacht!
Mei, wia des riacht!
Jetzad fehlt ja bloß
No die Vanillesoß, hmm...

Das Apfelkernhaus stech ma aus
Und darein, ja, do kimmt
A bisserl Honig, Nüsserl
Rosinen und a Zimt
Vielleicht a wengerl Zucker no
Dann streich ma s’ no mit Butter o
Und zwar so guad wia’s geht
Denn mei Oma mag’s gern fett
Oa Apfel nach dem andern
Wandert in die Reine
Da hocken s’ eng beinander
Wia die Spatzen auf der Leine

Ja, die Oma, die konn hoit
Bratäpfel macha!
Die allerbesten von der Welt
Die konn die Oma bacha!
Hmm, wia des riacht!
Mei, wia des riacht!
Jetzad fehlt ja bloß
No die Vanillesoß, hmm...

In den letzten Apfel
Ja, pass auf, in den
Streu ma statt der Nüsse
Frische Hobelspän
Und dann schau ma wia
Da Opa ’s Gesicht verziagt
Wenn er unsern extraguaden
Bratapfel kriagt!
Doch der Opa, mei oh mei
Isst sein Apfel, konn des sei
Und ois, was drinna steckt!
Schau nur, wia’s ihm schmeckt!
Ja, schau, wia’s ihm grad so schmeckt!

Aber d’Tante Edeltraud
Wia die umeinanderkaut
I woaß net
Die Äpfel san heuer schee zart
Aber die Nüsse
San heuer wirklich hart!
Ou, die Tante!
Sapradix!
Hoffentlich
Sogt d’Oma nix!
Doch d’Oma schmunzelt nur
Und leise tickt die Küchenuhr

Ja, die Oma, die konn hoit
Bratäpfel macha!
Die allerbesten von der Welt
Die konn die Oma bacha!
Und dann hock ma alle um
Die leergschleckte Rein
In der warmen Stubn
So bei Kerzenschein