Es wird scho glei dumper (Traditionelles bayerisches Weihnachtslied)

Es werd scho glei dumper
Es werd scho glei Nacht
Drum kimm i zu Dir her
Mei Heiland, auf d’Wacht
Will singa a Liadl
Dem Liabling, dem kloan
Du magst ja net schlafn
I hör Di nur woan
Hei, hei! Hei, hei!
Schlaf siaß, herzliabs Kind

Vergiss jetz, oh Kinderl
Dein Kummer, Dei Load
Dass Du do muasst leidn
Im Stoi auf da Woad
Es ziern ja de Engerl
Dei Liegerstatt aus
’S kannt scheena net sei drin
Im König sei Haus
Hei, hei! Hei, hei!
Schlaf siaß, herzliabs Kind

Mach zua Deine Äugerl
In Ruah und in Fried
Und gib mir zum Abschied
Dein Segen no mit
Dann werd ja mei Schlafn
Ganz sorgenlos sein
Dann konn i mi ruhig
Aufs Niederlegn frein
Hei, hei! Hei, hei!
Schlaf siaß, herzliabs Kind