Was die Stadt alles hat! (Bayerisches Kinderlied)

Mei, is des a Traum – Mit der Tram durch die Stadt!
Mir fahrn und mir schaun, was die Stadt alles hat
Mir fahrn und mir schaun, was die Stadt alles hat

Und des Kino?
Ja, noch 3 Stationen!
Aha!

Die Straßen, die Autos, ja, do is was los!
Und die Häuser! So vui und so schee und so groß
Stehn Wand an Wand, du, do muass ma si gwöhna
Des is vielleicht, damits net umfalln könna
Do in dem Haus, do wird tanzt jede Nacht
Rap, Rock und Hip Hop, dass es grad aso kracht!
Do tanzen die Knödel, gell, des hoaßt Disco!
Des woaß i vom Fritz und vom Franzisco

Mei, is des a Traum – Mit der Tram durch die Stadt!
Mir fahrn und mir schaun, was die Stadt alles hat
Mir fahrn und mir schaun, was die Stadt alles hat

Und des Kino?
Ja, noch 2 Stationen!
Aha!

Und so vui Leit laufen die kreuz und die quer
Wo wolln die denn hi? – Und wo kommens grad her?
Und schau, die im Fenster, die stehn nur so rum
Wie die Küah auf der Weidn und die schaun a so dumm!
Und wos is jetzt des? Ja, des Stadion!
In der Mitten a Platz – drumrum a Balkon
Do spielens Ball auf dem Rasn, des is so a Wiesn
Ja, freili zum Grasn! Na, zum Ballern und Schießn!

Mei, is des a Traum – Mit der Tram durch die Stadt!
Mir fahrn und mir schaun, was die Stadt alles hat
Mir fahrn und mir schaun, was die Stadt alles hat

Und, und des Kino?
Ja, jetzt hamas glei!
Ah!

Und der Turm? Des is der Fernsehturm. Ah!
Ach, weil man scho aus der Ferne sieht, klar!
Und des do? Is die Oper, wo große Sänger singen
Und des? Ein Springbrunnen. Was?! Kann der springen?
Und do? Ein Zebrastreifen. Des hob i ja no nia gsehn!
Dürfen do nur Zebras drüber gehn?
Dann gibt's a gwiss a für Küah extra was
Ja, do mitten in der Straß, die Insel aus Gras

Mei, is des a Traum – Mit der Tram durch die Stadt!
Mir fahrn und mir schaun, was die Stadt alles hat
Mir fahrn und mir schaun, was die Stadt alles hat

Hey, schau doch amoi hi! Hey, schau doch amoi do!
Hey, schau doch amoi hi! Hey, schau doch amoi do!
Hey, schau doch amoi hi! Hey, schau doch amoi do!
Hey, schau doch amoi hi! Hey, schau doch amoi do!

Mei, is des a Traum – Mit der Tram durch die Stadt!
Mir fahrn und mir schaun, was die Stadt alles hat
Mir fahrn und mir schaun, was die Stadt alles hat

Hey, des Kino!
Mensch, mir müassn raus!

Ah do! Aufmachen! Vorsicht – di Tür!