Sunnebrülle

I bi ja nume
E alte maa
U rouche stumpe
Gange mitem hung
U luege chli wer ume isch
Nume dr ruchti
U de het di tummi

Ha mir e sunnebrülle kouft
Dassi mi besser cha lo gseh lah
Papatapie papatapah
Sing wa de wosch
Aber nid la paloma

Mängisch zünd i mir im vergässe
Anere cherze my schtumpe ah
Glugg glugg scho ume isch es schiff versunke
Irgendwenn emal muess jede seemaa
Tot grad vor sich härestah
Versoffe
Wegere villiger kiel vo mir

Underem wasser wimmlets nume so
Vo tote matrose
Wo mi wöi näh
Obwohl i weiss
Dass füür vor cherze näh
Cha toti gäh

I möcht anschtatt hie
Vor dr chile sitze
Mitere panzerhoubitze
Parkplatz sueche
Woni mir grad sälber miech

Hätt gärn ä gring ä glatte
Würd gern seckle statt hie z hocke
Ufem bänkli i der matte
Schön am schärme hie im schatte

I bi ja nume ä aute has...

Ii chöit dir lache
Ja lachit nume
I bi ja nume e alte has
U wott es nöis füdle wüu s alte es loch het
Lachit nume
Früecher isch alles besser gsi
Lue mal dich a oder mi
Sogar d aare isch no grüener gsi
– ja lachit nume