Dä letzte Heinzelmann

Ich däät die Muur vun Pankow tille
Wie se all noch deef jeschlofe hann
Ich erfüll üch stekum jede Wille
Ich ben dä letzte Heinzelmann

Ich däät die Schrumm vum Hendrix baue
Hann Charlie Chaplins Fööss massiert
Däät met Chico Marx Pääds klaue
Hann Marylin de Nääl lackiert

Wat kütt jetz dran
Wat kütt als nächstes dran

Ich färv däm Ku Klux Klan Sing Mötze
Däm Heino Sing zwei Haselnöss
Ich hack mich durch die Schweizer Banke
Un zock däm Tutti Frutti all Sing Schöss
Ich beam dä Papst em Schloof noh Biafra
Schön enjepack en e schwatz Kondom
Met ner rusa Schleif an nem Muselmann Kaftan
Un nem schöne Jrooss vum Kölner Dom

Wat kütt jetz dran
Wat kütt als nächstes dran