Illibata Dei virgo
Josquin Desprez
Illibata Dei virgo nutrix,
Olympi tu regis o genitrix,
Sola parens verbi puerpera,
Quae fuisti Evae reparatrix,
Viri nephas tuta mediatrix,
Illud clara luce dat scriptura.
Nata nati alma genitura,
Des ut laeta musarum factura
Prevaleat hymnus et sit Ave,
Roborando sonos ut guttura,
Efflagitent laude teque pura
Zelotica arte clament Ave.
Ave virginum decus hominum
coelique porta.
Ave lilium, flos humilium,
virgo decora.
Vale ergo, tota pulchra ut luna,
electa ut sol clarissima gaude.
Salve tu sola cum sola amica
Consola la mi la canentes in tua laude.
Ave Maria, mater virtutum, veniae vena.
Ave Maria, gratia plena, Dominus tecum.
Amen.