Bir də baxım bu dünyaya
Baba Vəziroğlu
Ömür kimi axıb gedən
Bir də bu çay axmaz belə
O gözələ bir də baxım
Bir də dönüb baxmaz belə...
Mən doymadım xəzanından
Baharında gözüm qaldı
Yel əsdikcə pıçıldaşan
Çinarlara sözüm qaldı...
İnsan yalnız nağıllarda
Arzulara çatar, gedər
Bir də baxım bu dünyaya
Ömür keçər, qatar gedər...
Bir də baxım axan çaya
Çıxan Günə, doğan Aya
Qismət ola, ya olmaya -
Bir də baxım bu dünyaya!