غلا روحي

طلبتك يا غلا روحي بلا تأخير
مسافات الحنين تعانق وصالك
على شوفك من اللهفة خفوقي طير
كأن نبضه من الإحساس غنى لك

صحيح إني سهرتك والأماني بخير
على ما تحب بوحي قد تهيأ لك
مدى عمري بغيابك يا حبيبي قصير
لأجل شوفك ورود العمر تحيى لك
أعيشك في غيابٍ خانه التبرير
ولكن القدر قد قصّر حبالك
انا والليل ونجومه عليّ تنير
ولا بانت به القمرا على جالك

(طلبتك يا غلا روحي بلا تأخير (بلا تأخير
مسافات الحنين تعانق وصالك
(على شوفك من اللهفة خفوقي طير (طير
(كأن نبضه من الإحساس غنى لك (غنى لك

قضا الموعد وادور للقا تدبير
معي بعض الأماني تجدد آمالك
وأنا لي بمسرح عيون اللقا تصوير
مشاعر شوقها مرت على بالك
عسى اللقا من أحلام الوله تفسير
من دلال الوله محتاج فنجالك
أحبك كلمةٍ عن موجز التعبير
خيالٍ يرسم الجنحان لوصالك

(طلبتك يا غلا روحي بلا تأخير (بلا تأخير
مسافات الحنين تعانق وصالك
(على شوفك من اللهفة خفوقي طير (طير
(كأن نبضه من الإحساس غنى لك (غنى لك