Lena

[Strophe 1]
Heiß, gnadenlos heiß
Vill zo heiß für Ahnfang September
Klar, Lena, ich weiß:
Du häss Rääsch, bloß, dat dat och nix ändert
Mer kütt sich vüür, als ob mer en der Sauna sööß
Et rüsch noh dir un immer noch noh Heu
Ich frooch mich, wat un ob du övverhaup jet drunger drähß
Aff un zo küss du zo noh ahn mir vorbei

[Refrain]
Lena, Lena, Lena, Lena
Saach mir: Wat soll ich noch saare?
Lena, Lena, Lena, Lena
Saach mir, wodrop mir noch waade

[Strophe 2]
Still, absolut still
Nur en Fleesch zappelt ahm Köder
Vill, unendlich vill
Woot jesaat un zerfeel dann en Wööder
Un für en fusije Katz hätt sich en Veedelstund Jeduld jelohnt
Ungen em Tal ne planmäßige Zoch
Ne Hauch vun Wind, paar dunkle Wolk'ahm Horizont
Lena, hühr zo: Jequält hann mir'ns jenooch

[Refrain]
Lena, Lena, Lena, Lena
Saach mir: Wat soll ich noch saare?
Lena, Lena, Lena, Lena
Saach mir, wodrop mir noch waade

[Strophe 3]
Un wenn et bletz, zällt mer su lang mer op dä Donner waat
Un op die allereezte Droppe, schwer wie Blei
Kumm vüür de Düür Lena, dä Rään ess wie für uns jemaat
Un danz met mir un wenn et sinn muß, schrei

[Refrain]
Lena, Lena, Lena, Lena
Saach mir: Wat soll ich noch saare?
Lena, Lena, Lena, Lena
Saach mir, wodrop mir noch waade

Lena, Lena, Lena, Lena
Saach mir: Wat soll ich noch saare?
Lena, Lena, Lena, Lena
Saach mir, wodrop mir noch waade