Kumm loss m’r danze

Micky Brühl, Bläck Fööss

De janze Woch schon han ich
Op et Wocheneng jewat
Vun morjens fröh bes ovends spät
Nur minge Job gemaat jeden Dach maloche
Jeden Dach dat selve Spill
Dat hält et stärkste Päd nit us
Dat schaff kein Kaffeemüll

Doch Friedachs es ens Schluß
Met all däm Fruß
Denn Friedachsovends muß ich einfach 'rus

Kumm loss m'r danze
De janze Naach bes morje fröh
Kumm loss mer singe
M'r blieven all bes morje he

De Botz es frisch jebüjelt
Un die Backe blank raseet
Zom danze, dat et hält
Jet en de Hoor erenjeschmeet
Et Auto frisch jewäsche
Steit schon vor d'r Dür parat
Schlössel 'ren un ab die Poss
Phil Collins enjelat

Doch vör d'r Sparkass steich ich noch ens us
Däu links ming Kaat eren
Un hopp, kütt rächs die Kohle rus

Kumm loss m'r danze
De janze Naach bes morje fröh
Kumm loss mer singe
M'r blieven all bes morje he

Verdamp wo es dä Ovend widder hin
Schon halver zwei, dat kann doch janit sin
Jetz weed et langsam Zick
Dat sich für't Hätz och noch jet deit
Söns es die Naach eröm
Un usser Danze nix passeet

Kumm loss m'r danze
De janze Naach bes morje fröh
Kumm loss mer singe
M'r blieven all bes morje he

Ja loss m'r danze
De janze Naach bes morje fröh un jet singe
M'r blieven all bes morje he

Ja loss m'r danze
De janze Naach bes morje fröh un jet singe
M'r blieven all bes morje he

Ja loss m'r danze
De janze Naach bes morje fröh un jet singe
Danze, danze un jet singe

Trivia about the song Kumm loss m’r danze by Bläck Fööss

On which albums was the song “Kumm loss m’r danze” released by Bläck Fööss?
Bläck Fööss released the song on the albums “Nix Es Ömesöns” in 1991 and “Best Of...Zum Danze” in 2007.
Who composed the song “Kumm loss m’r danze” by Bläck Fööss?
The song “Kumm loss m’r danze” by Bläck Fööss was composed by Micky Brühl, Bläck Fööss.

Most popular songs of Bläck Fööss

Other artists of Pop rock